اغاني و تعباني!!

كلنا طبعا بنحب الاغاني جدا جدا ..و بنديها وقت كبير في حياتنا..و السؤال مش الاغاني حرام و لا حلال ..انما السؤال هنا ..

هل ممكن تغير نمط حياتك ..و تحاول تبدل الاغاني شوية بشوية بترانيم ؟؟؟
هل ممكن نستغني عن الاغاني شوية ..طب كلمات الاغاني بتمثلك اية في حياتك؟؟ مجرد كلام بيعدي عليك و لا كلمات و معاني بتحفر في العقل ..و ممكن تتحول لاحساس في اي وقت ..بتابع الكلبّات ؟ شايف فيها حاجة نافعة ؟؟؟


اية رأيكم ؟؟؟ بصراحة

انا رأيي في الاغاني انها ملهاش لازمة و مينفعش ان الانسان يسمعا و يشعر بيها و يوجة ليها قلبة و مشاعرة و تاخد كل احاسيسة ..و في حد تاني يستحق اننا نوجة لية كلمات الحب ..يسوع يستحق مننا اننا نوجة لية كل كلام الحب و مشاعر الرومانسية ...في صورة شعر او ترانيم ...و شايفة ان الحل اننا علي الاقل نحاول و تبدأ في التبديل من الاغاني و الترانيم ..
و تجربتي مع الاغاني كانت صعبة ..كنت عاشقة بشدة الاغاني الغربية و كنت مجنونة بيها و مع الوقت حسيت ان ملهاش لازمة و مينفعش اقول _لاتنين _ في حياتي بحبك ...بمعني مينفعش اقول ليسوع بحبك و خلاص و انا بغني لشخص مجهول و اوجة لية كلمات الحب و بعديين ممكن يبقي حقيقة او يظل الانسان في خيال ..و امتنعت عن كل الاغاني ..و رميت كل الشرايط ..!!! انما دة ميمنعش اني ممكن اسمع موسيقي او اعرف اخبار عن مغني ...انت رأيك اية ؟؟؟
شاركوني رأيكم؟؟

ممتاز هذا الموضوع الاغانى بقيت عدوى منتشرة بشكل كبير ويا ريت احنا وبنغنى نفتكر المخلص يسوع هو وبيتألم على الصليب من أجلنا نحن الخطاه واكيد هنبطل الكلام الفاضى الاغانى

مرسي لردك و اتمني اسمع بقية الردود بصراحة

انا من رايي ان الناس بتلجأ للاغاني لقلة عدد الترانيم وكمان لسهولة الحصول عليها
يعني مثلا احنا لو دورنا كويس هانلاقي ان مفيش غير 3 مواقع بتنزل ترانيم بأستمرار وده طبعا علشان يحافظوا علي حقوق الناشر

انا معرفش الموضوع دة ..انما الترانيم بقت منتشرة دلوقتي ..و علي كل زوق ..الحزايني و الرومانسي و في اللي حيخليك تتنطط
و بعدين تكلفة شريط الترانيم ب4
و طبعا الاغاني و الكليبات اضعاف الاضعاف ...
بصراحة انا رأي ..انا اللي عاوز يسمع اغاني بيسمعها عشان يسرح مع كلماتها في الحب و الحجات دية
اللي عاوز يجيب ترانيم مبيستناش ..و لا انتو رأيكم اية؟؟

مرسي لردك