I Love u

موضوع: I Love u الأحد ديسمبر 14, 2008 3:07 am

الى ابنتي المحبوبة جدا

I Love u

يا ترى عرفاني ولسة فاكرة صوتي

أنا يسوع , أنا أبوكي اللي بذلت نفسي علشانك... أنا اللي اتصلبت ومت وقمت علشان أرفعك معايا لأحلى مكان أنا محضرهولك.. يا بنتي انا بعتلك الرسالة دي علشان أقولك ان أنا بحبك قوي, بس لي عتاب صغير نفسي تسمعيه.. فاكرة من أسبوع ايه اللي حصل..؟؟؟ أنا هافكرك شكلك نسيتي!
من أسبوع يا بنتي حسيت انك وحشتيني قوي ونفسي أكلمك وأطمئن عليكي, فجيت ودخلت أوضتك وقعدت على سريرك.. مكنتيش قاعدة في الأوضة, فقعدت أستناكي وأشوفك من بعيد بتعملي ايه, وبعد شوية .....لقيتك قمتي من مكانك وقربتي علي.. فقمت بسرعة ووقفت جنب باب أوضتك وفردت ايدي علشان أول ما تشوفيني تترمي في حضني وانا أشيلك بين ايدي ..ياااااااه!!!!!!! لو تعرفي فرحتي كانت أد ايه وأنا مستنيكي علشان أول ما تشوفيني تجري علي و كنت كل ما تقربي مني كان قلبي يدق أكتر وأسرع وينبض من الفرحة واللهفة , كان متلهف ومستني علشان لما تحضنيني بقرب قلبك من قلبي ويدقوا بصوت واحد جميل........... ولكن ....... لكن أول ما جيتي عندي, لقيتك بصيتي لي كما لو كنتي ماتعرفنيش , وكملتي مشيك , وأخذتي حاجة من الأوضة ومشيتي تاني...مالحقتش حتى أقولك استني.... في اللحظة دي قلبي حزن وعيني دمعت جامد.!! لكن رحت وقعدت على السرير تاني وقلت معلش يمكن فيه حاجة مهمة لازم تعملها دلوقت أكيد.. أكيد مشغولة!! أنا هاستناها لحد ما تيجي تاني .
وقعدت مستني... واستنيت كتيررر... لكن ميهمش وقلت مش مهم كله هيهون أول ما بنتي حبيبتي تترمي في حضني وتكلمني وتحكيلي مشاكلها , وأنا مش هأبخل عليها بوقت خالص.... هافضل أسمع كل كلامها وبعدين أنا أتكلم معاها وأقول لها أد ايه أنا بحبها....... وفي وسط كل ده لقيتك جاية بسرعة فقلت أيوة كدة أكيد المرة دي جاية علشاني أنا , أمال هاتيجي ليه تاني؟! أكيد جاية علشان تقعد معايا..................
ولكن حصل نفس الحكاية؟....... فتحتت ايدي وقلبي نبض جامد من الفرحة قربتي مني لكن برضه ما أعطتيتنيش أي اهتمام.... فنزلت ايدي تاني لتحت قلت معلش برضه يمكن وراها حاجة...دخلت أوضتك.. دخلت وراك وقعدت وبصيتلك وابتسمت يمكن تبصي جنبي وتحكيلي وتكلميني..... فلقيتك جيتي وقعدت جنبي ما تتصوريش فرحتي أد ايه!!! وبصتلك وانتبهت علشان تبدأي كلام , لكن لقيت معاكي ريموت , وفتحتي التليفزيون فعرفت انك عاوزة تطرديني من الأوضة... فخرجت وقعدت برة مستني تقفليه .......
وأخيرا قفلتيه.... فقلت خلاص ما قدمهاش غيري ودخلت بس أول ما دخلت لقيتك ممدودة على سريرك ومغمضة عينيك زي الطفل الصغيروقعدت سهران جنبك أحرسك أصلي بخاف عليكي من أي حاجة وحشة... وقلت معلش يمكن بكرة تفتكريني .........
وقعدت اسبوع مستني.....
لكن معلش أنا عارف ان بعد الجواب ده هاتفتكريني ....
أنا مستنيكي أناااااااااااااااااااااااااااااا بحبك.
+ Sender: +Jesus

موضوع: رد: I Love u الإثنين ديسمبر 15, 2008 12:05 am

مرسي كتير للموضوع الجميل دة
..دايما يسوع فاكرنا و احنا و لا هنا &&*(

موضوع: رد: I Love u الإثنين ديسمبر 15, 2008 4:32 am

فعلا موضوع جااااامد موت
شكرا خاااااالص